Actualitats
Foster (DUP) e Mag Aonghusa (Sinn Féin), reelegits primièra ministra e viceprimièr ministre de l’Irlanda del Nòrd
La primièra ministra barra la pòrta a un vòte sus la reünificacion d’Irlanda: “L’unionisme es sortit refortit” de las eleccions
Lo Partit Democratic Unionista (DUP, unionista conservator) e lo Sinn Féin (republican irlandés d’esquèrra) repetiràn la coalicion de govèrn que tenon dempuèi 2007 en Irlanda del Nòrd, e divendres lors caps Arlene Foster e Máirtín Mag Aonghusa (Martin McGuinness) foguèron elegits, respectivament, presidenta e vicepresident del govèrn nòrd-irlandés. Los dos partits foguèron los mai votats a las eleccions de la setmana passada.
Dins l’Assemblada d’Irlanda del Nòrd, sus 108 deputats, lo DUP n’aurà 38 (los meteisses qu’en 2011) e lo Sinn Féin 28 (un de mens que fa cinc ans). Lo Partit Unionista d’Ulaidh (o d’Ulster; UUP, conservator) repetís los 16 sètis qu’aviá ja, del temps que lo Partit Socialdemocrata e Laborista (SDLP, nacionalista irlandés de centresquèrra) ne pèrd 2 e ne garda 12. Lo Partit de l’Aliança (liberala) contunharà amb los meteisses 8 sètis que fins ara. La Votz Unionista Tradicionala (TUV, conservators) manten l’unic sèti qu’aviá.
D’autres dos partits completan l’Assemblada, cadun d’eles amb 2 sètis. D’un costat, e amb de sètis pel primièr còp, People Before Profit Alliance (PBPA, anticapitalista), qu’a obtengut de representants en de bastions del Sinn Féin e de l’SDLP. De l’autre, los Verds, que puèjan d’1 deputat en 2011 a 2 deputats ara.
A la diferéncia de las eleccions anterioras, lo programa de govèrn se pacharà oficialament après l’eleccion de la primièra ministra e del viceprimièr ministre. Los ministèris se son reduches de 12 a 9, en acòrdi amb lo Fresh Start Agreement de novembre de 2015.
Foster, que remplacèt Peter Robinson (DUP) davant l’executiu nòrd-irlandés en genièr d’ongan, a dich qu’espèra un “periòde d’estabilitat politica” pendent la legislatura, e a remarcat que las demandas de referendum sus l’unitat d’Irlanda “son estadas vencudas, e [que] l’unionisme n’es sortit refortit”.
De son costat, lo Sinn Féin aviá dich pendent la campanha electorala qu’un resultat contrari a l’Union Europèa al referendum sul Brexit del 23 de junh deuriá entraïnar, automaticament, la convocacion d’un referendum sus la reünificacion d’Irlanda. Mag Aonghusa a explicat qu’espèra d’emplegar l’influéncia dels deputats del Sinn Féin al nòrd e al sud de la frontièra per “far avançar los afars panirlandeses”.
L’SDLP es a pensar s’intra dins lo govèrn de coalicion DUP-Sinn Féin o, al contrari, se se’n va a l’oposicion, çò qu’a ja decidit que farà l’UUP. Dins la legislatura 2011-2016, los quatre partits, e tanben lo Partit de l’Aliança, fasián partida del govèrn.
Aquesta nòva es adaptada de Nationalia amb qui Jornalet a un acòrdi de cooperacion.
Dins l’Assemblada d’Irlanda del Nòrd, sus 108 deputats, lo DUP n’aurà 38 (los meteisses qu’en 2011) e lo Sinn Féin 28 (un de mens que fa cinc ans). Lo Partit Unionista d’Ulaidh (o d’Ulster; UUP, conservator) repetís los 16 sètis qu’aviá ja, del temps que lo Partit Socialdemocrata e Laborista (SDLP, nacionalista irlandés de centresquèrra) ne pèrd 2 e ne garda 12. Lo Partit de l’Aliança (liberala) contunharà amb los meteisses 8 sètis que fins ara. La Votz Unionista Tradicionala (TUV, conservators) manten l’unic sèti qu’aviá.
D’autres dos partits completan l’Assemblada, cadun d’eles amb 2 sètis. D’un costat, e amb de sètis pel primièr còp, People Before Profit Alliance (PBPA, anticapitalista), qu’a obtengut de representants en de bastions del Sinn Féin e de l’SDLP. De l’autre, los Verds, que puèjan d’1 deputat en 2011 a 2 deputats ara.
A la diferéncia de las eleccions anterioras, lo programa de govèrn se pacharà oficialament après l’eleccion de la primièra ministra e del viceprimièr ministre. Los ministèris se son reduches de 12 a 9, en acòrdi amb lo Fresh Start Agreement de novembre de 2015.
Foster, que remplacèt Peter Robinson (DUP) davant l’executiu nòrd-irlandés en genièr d’ongan, a dich qu’espèra un “periòde d’estabilitat politica” pendent la legislatura, e a remarcat que las demandas de referendum sus l’unitat d’Irlanda “son estadas vencudas, e [que] l’unionisme n’es sortit refortit”.
De son costat, lo Sinn Féin aviá dich pendent la campanha electorala qu’un resultat contrari a l’Union Europèa al referendum sul Brexit del 23 de junh deuriá entraïnar, automaticament, la convocacion d’un referendum sus la reünificacion d’Irlanda. Mag Aonghusa a explicat qu’espèra d’emplegar l’influéncia dels deputats del Sinn Féin al nòrd e al sud de la frontièra per “far avançar los afars panirlandeses”.
L’SDLP es a pensar s’intra dins lo govèrn de coalicion DUP-Sinn Féin o, al contrari, se se’n va a l’oposicion, çò qu’a ja decidit que farà l’UUP. Dins la legislatura 2011-2016, los quatre partits, e tanben lo Partit de l’Aliança, fasián partida del govèrn.
Aquesta nòva es adaptada de Nationalia amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma en Irlanda del Nord hi ha una majoria de poblacion anglesa-escocesa, unionista, los partits irlandeses deuen preferir una coalicion amb eles.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari